_-1_400

Літаратурны музей Максіма Багдановіча

запрашае далучыцца да традыцыйнага свята паэзіі і песні

“Ракуцёўскае лета – 2016”

31 ліпеня 2016 года

Улетку 1911 года пасля амаль 15-гадовага растання Максім Багдановіч нарэшце вярнуўся на родныя беларускія землі. Прыветным, цёплым, утульным куточкам, дзе малады паэт правёў летнія месяцы, стала Ракуцёўшчына. Тут, у ваколіцах фальварка Вацлава Лычкоўскага, Максім Багдановіч знайшоў сапраўдную крыніцу для натхнення – жыццё беларускай вёскі. Навокал гучала жывая родная мова, якой паэт імкнуўся авалодаць з найбольшай дасканаласцю. Летнія водары лугоў, бруенне крыніц, шапаценне лясоў, птушыныя спевы… Усё гэта адгукалася ў душы паэта. І няспыннай плынню ліўся з-пад рукі радок за радком на старонкі. А неўзабаве тоўсценькі сшытачак, спярэшчаны раўнюткім почыркам, стаўся асновай адзінага прыжыццёвага зборніка вершаў Максіма Багдановіча “Вянок”. Менавіта побыт у Ракуцёўшчыне і падарожжа да яе дапамаглі Максіму яшчэ глыбей акунуцца ў вір беларускай гісторыі, сапраўднага вясковага жыцця з няспынна гаваркімі сябрамі, суседзямі, вяскоўцамі. І з такой чароўнай летняй прыродай!
У гэты незабыўны мікракосмас ліпеньскай Ракуцёўшчыны Літаратурны музей Максіма Багдановіча запрашае даўніх сяброў і усіх, хто хоча апынуцца ў атмасферы сапраўднага шляхецкага фальварка стогадовай даўніны. Хто ведае, мо, няўлоўнае натхненне, што і дагэтуль невычарпальнай крыніцай струменіць поруч з маладзечанскай вёсачкай, запануе над усімі, хто пройдзе сцежкамі геніяльнага беларускага паэта.
Праграма Свята паэзіі і песні “Ракуцёўскае лета − 2016”:
11.00 − прывітальная імпрэза каля памятных камянёў; 
12.00 − літаратурна-музычная імпрэза, у якой прымаюць удзел вядомыя дзеячы культуры і мастацтваў Беларусі: пісьменнікі – Навум Гальпяровіч, Людміла Рублеўская, Людміла Хейдарава, Валярына Кустава, Юля Цімафеева, Андрэй Хадановіч, Зміцер Арцюх, Таццяна Нядбай, Серж Мінскевіч, музыкі – Алесь Камоцкі, Вольга Акуліч, Алеся Сівохіна.

Філіял “Фальварак Ракуцёўшчына”
(в.Ракуцёўшчына, Маладзечанскі р-н, Мінская вобл., тэл. 8 0176 7 96 1 41)

Літаратурны музей М.Багдановіча
(г.Мінск, вул. М.Багдановіча, 7а, тэл. 334 07 61, 334 42 69)



3_400_01


ПАЛАЖЭННЕ аб правядзенні фотаконкурсу “Мой Максім Багдановіч”

 



2016_400_02

 

Указ Прэзідэнта Рэспублікі Беларусь ад 28 снежня 2015 г. №522 "Аб аб`яўленні 2016 года Годам культуры"

Республиканский план мероприятий по проведению Года культуры 

Информационные материалы



___400_03

 

 

 

 

 

 

 

 

Мастацка-дакументальная выстаўка

“Максімаў сад”,

прымеркаваная да 100-годдзя надрукавання вершаванай казкі

Максіма Багдановіча “Мушка-зелянушка і камарык – насаты тварык”

  Максім Багдановіч – адзін з самых любімых беларускіх паэтаў. Значны ўплыў на яго творчасць аказалі беларускія казкі і песні, якія ён чуў ад сваіх цётак у дзяцінстве. Пасля, ужо будучы прызнаным беларускім пісьменнікам, Максім Багдановіч звярнуўся да напісання твораў у беларускім народным стылі. Адным з такіх твораў стала вершаваная казка “Мушка-зелянушка і камарык − насаты тварык”, упершыню апублікаваная ў газеце “Наша Ніва” 7 мая 1915 года. Сюжэт казкі быў узяты М. Багдановічам з народных песень.

У падзагалоўку да паэмы “Мушка-зелянушка і камарык − насаты тварык” аўтар адзначаў: “Вельмі жаласная гісторыя, выкладзеная згодна з праўдай беларускім вершам”. Сапраўды, паэма ўсімі сваімі ідэйна-эстэтычнымі вартасцямі арганічна звязана з народнымі творамі, але ў той жа час гэта арыгінальны і самабытны мастацкі твор: ён носіць яскравы адбітак характэрных своеасаблівасцяў творчай індывідуальнасці паэта. Казка Максіма Багдановіча напісана і для дзяцей і для дарослых, такім чынам, на выставе раскрываецца шматграннасць і рознабаковасць творчай лабараторыі паэта.

На выставе прадстаўлены ілюстрацыі да кніжкі “Мушка-зелянушка і камарык – насаты тварык” вядомых мастакоў А.Волкава, Н.Гурло і Ул.Пашчасцева. А таксама ўпершыню ў Літаратурным музеі Максіма Багдановіча свае мастацкія работы прэзентуюць навучэнцы Мінскага дзяржаўнага мастацкага каледжа імя А.К.Глебава.

Мастацкае афармленне выстаўкі зроблена дзякуючы дапамозе студэнта 4-га  курса БНТУ архітэктурнага факультэта Антона Мурашкі.

Пад час экспанавання выстаўкі плануецца праводзіць музейна-педагагічныя заняткі для школьнікаў, інтэрактыўныя гульні для дзяцей дашкольнага і малодшага школьнага ўзросту.

 Выстаўка працуе з 16 мая 2015 года  да 1 мая 2016 года з 09.00 да 17.30 (панядзелак - пятніца)

у Літаратурным музеі Максіма Багдановіча (Траецкае прадмесце, вул. М.Багдановіча, 7а)





Літаратурны музей Максіма Багдановіча прапаноўвае:

 

− батлеечныя спектаклі;

− музейна-педагагічныя заняткі;

– лекцыі;

– перасоўную выстаўку “Максім Багдановіч. Жыццё і творчасць”.

 

ЭКСПАЗІЦЫЯ ЛІТАРАТУРНАГА МУЗЕЯ МАКСІМА БАГДАНОВІЧА ЗАЧЫНЕНА НА КАПІТАЛЬНЫ РАМОНТ

Экскурсіі па экспазіцыі музея часова не праводзяцца

У музеі працуюць часовыя выставы




Адрас: г. Мінск, вул. М.Багдановіча, 7а (Траецкае прадмесце)

Час працы: с 10.00 да 17.30. Выходныя субота, нядзеля

 


 

fb_icon_325x325_01    dgd9n8w8ces_02      

 

Партнёры